وہ پانچ باتیں جن کے باعث اوپو F5 ضرور خریدنا چاہیے

وہ پانچ باتیں جن کے باعث اوپو F5 ضرور خریدنا چاہیے

اسمارٹ فون انڈسٹری میں غیرمعمولی مقابلے کے ماحول میں کسی بھی صارف کےلیے بہت مشکل ہوتا ہے کہ وہ بلند پایہ فیچرز کے حامل اور انتہائی قابلِ بھروسہ اسمارٹ فون کا انتخاب کرسکے۔ اس مہینے کی ابتداء میں اسمارٹ فون مارکیٹ کے بڑے نام ’اوپو‘ (OPPO) نے دھماکہ خیز انداز سے اپنا نیا ’’اوپو F5‘‘ ایک نئے اور منفرد نعرے کے ساتھ متعارف کروایا: ’’سیلفی ایکسپرٹ اور لیڈر۔‘‘ اس پُر رونق اور جھلملاتی تقریب کی کہکشاں انگنت مشہور ہستیوں، معروف سماجی شخصیات اور کاروباری و تجارتی دنیا کی قد آور شخصیات سے سجی تھی۔ ’اوپو‘ (OPPO) کا نیا سلوگن ادارے کے اس مشن کا غماز ہے جس کا مقصد نوجوان صارفین کو بہترین سیلفی ایکسپیریئنس فراہم کرنا اور اس زمرے میں لیڈر کے طور پر اپنا مقام برقرار رکھنا ہے۔

ذیل میں وہ پانچ ٹھوس باتیں دی جارہی ہیں جو OPPO F5 کو یقینی طور پر آپ کا اگلا اسمارٹ فون بناتی ہیں۔

مصنوعی ذہانت (AI) سے لیس ’بیوٹی ٹیکنالوجی‘ اور کیمرا

بھرپور تحقیق و جستجو کے بعد اوپو نے پہلی بار پاکستان میں مصنوعی ذہانت (AI) سے لیس، حسن کو چار چاند لگانے والی ’’بیوٹی ٹیکنالوجی‘‘ اور کیمرے کو اپنے OPPO F5 کے ذریعے صارفین میں پیش کیا ہے۔ یہ فیچر استعمال کرتے ہوئے آپ کھینچی گئی کسی بھی تصویر کی خوبصورتی میں خودکار انداز سے اضافہ کرسکتے ہیں کیونکہ OPPO F5 کا خصوصی الگورتھم تصویر میں دکھائی دینے والے فرد کی صنف (gender)، جلد کی رنگت، عمر اور اس فرد پر پڑنے والی روشنی کا ازخود تجزیہ کرتے ہوئے اس تصویر کے حسن میں اضافہ کرتا ہے۔ تحقیقی مرحلے (ریسرچ اینڈ ڈیویلپمنٹ پروسیس) کے دوران اس مقصد کےلیے پیشہ ور میک اپ آرٹسٹوں سے رہنمائی لی گئی، جبکہ ساتھ ہی ساتھ مصنوعی ذہانت کے میدان میں جدت طرازی سے بھرپور استفادہ کرتے ہوئے سیلفی کو حسین ترین بنانے کا کام ممکن بنایا گیا۔ یہی وجہ ہے کہ OPPO F5 سے لی گئی سیلفیاں زیادہ قدرتی اور آپ کی مطلوبہ توقعات کے عین مطابق ہوتی ہیں۔

فل ہائی ڈیفی نیشن (FHD+)

’’اوپو F5‘‘ وہ پہلا اسمارٹ فون ہے جو 6.0 انچ والے FHD+ فل اسکرین ڈسپلے کا حامل ہے، یعنی جس کا اسکرین ریزولیوشن 2160×1080 ڈی پی آئی ہے اور، اس سے بھی بڑھ کر، یہ ایک عام صارف کے بجٹ میں بھی ہے۔ اس منفرد فیچر کی بدولت آپ لینڈ اسکیپ ویو کی تصاویر کھینچ کر ان سے لطف اندوز ہوسکتے ہیں؛ اور جاندار رنگوں سے بھرپور تصاویر کھینچنے کےلیے کسی منظر پر زُوم اِن اور زُوم آؤٹ کرنے کی ضرورت بھی نہیں ہوتی۔ F5 میں ’’اوپو‘‘ کی نئی ڈیزائن پالیسی پر بھی بخوبی عمل کیا گیا ہے: ایک سانچے میں ڈھلی ہوئی ستواں باڈی جو کناروں پر معمولی سی خمیدہ ہے، اس پورے فون کو ظاہری طور پر بہت پتلا بھی رکھتی ہے جبکہ یہ اسمارٹ بہ آسانی ہتھیلی پر سما جاتا ہے جو اس وقت آپ کی شخصیت میں ایک منفرد نکھار کو جنم دیتا ہے جب آپ نے OPPO F5 ہاتھ میں تھام رکھا ہو۔ صارف اسے سہولت سے گھنٹوں تک تھامے رکھ سکتا ہے، چاہے وہ گیم کھیل رہا ہو یا فلم دیکھنے میں مصروف ہو، اور پھر بھی اس کی ہتھیلی کو ذرا بھی تھکن محسوس نہیں ہوتی۔

قیافہ شناس اسمارٹ فون: فیشل ان لاک

اب کچھ بات ہوجائے سیکیورٹی کی۔ OPPO F5 مکمل اور ناقابلِ شکست سیکیورٹی فیچرز سے بھرپور ہے جن میں چہرے کی شناخت (فیشل ریکوگنیشن) اور فنگرپرنٹ ان لاک فنکشن شامل ہیں۔ F5 کی خاص بات اس کا ’’فیشل ان لاک‘‘ (Facial Unlock) فیچر ہے جو چہرہ شناخت کرنے کے ضمن میں ایسی جدید ٹیکنالوجی پر مشتمل ہے جس کے ذریعے OPPO F5 اپنے صارف کا چہرہ پہچان کر صرف 0.4 سیکنڈ میں ان لاک ہوجاتا ہے۔ البتہ اگر کوئی صارف چاہے تو وہ فنگرپرنٹ ان لاک فنکشن بھی استعمال کرسکتا ہے جس کےلیے فنگرپرنٹ ریڈر اسمارٹ فون کے پچھلی جانب نصب ہے، تاکہ فرنٹ اسکرین پر کوئی سمجھوتہ نہ کرنا پڑے۔

فل اسکرین

OPPO F5 پہلی فل اسکرین ڈسپلے والی ڈیوائس ہے جو ’’اوپو‘‘ نے پیش کی ہے۔ 18:9 آسپیکٹ ریشیو کی بڑھتی ہوئی مقبولیت کے پیش نظر، اوپو کا ڈسپلے بھی bezel-less یعنی کسی بھی اضافی سپورٹ کے بغیر بنایا گیا ہے جس کی وتری (diagonal) لمبائی 6 انچ ہے جبکہ اسکرین ریزولیوشن فل HD+ (یعنی 2160×1080 پکسلز) ہے۔ OPPO F5 کے اگلی اور پچھلی، دونوں جانب خمیدہ کنارے صارف کو بہتر گرفت فراہم کرتے ہیں۔

4 جی بی ریم اور کلر او ایس 3.2

اندرونی طور پر OPPO F5 کا ہارڈویئر بھی انتہائی طاقتور ہے جس کا ’’کلر او ایس 3.2‘‘ جدید ترین اینڈروئیڈ نوگاٹ 7.1 پر مشتمل ہے جبکہ اس کا ’’میڈیاٹیک MT6763T‘‘ اوکٹاکور ایس او سی، 4 گیگابائٹ ریم کے ساتھ ہے جسے خاص طور پر بھرپور گرافیکل اور ملٹی میڈیا سپورٹ کےلیے، نیٹ ورک سگنلز سے بہترین طور پر رابطے میں رہنے کےلیے اور سست پڑے بغیر ملٹی ٹاسکنگ کےلیے ڈیزائن کیا گیا ہے۔

حرفِ آخر

’’اوپو F5‘‘ ہر اعتبار سے ایک موزوں ترین اسمارٹ فون ہے جو ناقابلِ یقین فیچرز سے لیس ہے جن میں 32 جی بی روم (رِیڈ اونلی میموری)، 4 جی بی ریم، 20 میگاپکسل فرنٹ کیمرا، 16 میگاپکسل ریئر کیمرا، 3200 ایم اے ایچ بیٹری، فیسل ان لاک اور ستواں اور خیرہ کن ڈیزائن شامل ہیں۔ یہ اسمارٹ فون خاص اُن کےلیے ہے جو بھاری بھرکم فیچرز کے ساتھ بڑے اسکرین والی ڈیوائس رکھنے کے خواہشمند ہیں۔ ہم نے اس اسمارٹ فون کو اس کے ہر پہلو کے اعتبار سے آزمایا ہے اور ہم پورے اعتماد سے کہہ سکتے ہیں کہ یہ اسمارٹ فون کی دنیا کے دوسرے بڑے ناموں جیسے کہ سام سنگ، آئی فون اور دوسرے کئی برانڈز سے بہ آسانی مقابلہ کرسکتا ہے۔ OPPO F5 مارکیٹ سے 32,899 روپے میں دستیاب ہے۔

The post وہ پانچ باتیں جن کے باعث اوپو F5 ضرور خریدنا چاہیے appeared first on ایکسپریس اردو.

from ایکسپریس اردو http://ift.tt/2zsn2pE

via Blogger http://ift.tt/2AChltD
November 27, 2017 at 05:32AM

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.