لاہور: ہائی کورٹ میں بچوں کے ساتھ زیادتی اور ان کی نازیبا ویڈیوز بنانے والے ملزمان کو سرِعام پھانسی پر لٹکانے کی درخواست دائر کی گئی ہے۔
ایکسپریس نیوز کے مطابق لاہور ہائی کورٹ میں بچوں کے ساتھ زیادتی اور ان کی فحش فلمیں بنانے والوں کو سرِعام پھانسی پر لٹکانے کی درخواست دائر کی گئی ہے۔ درخواست گزار بیرسٹرجاوید اقبال نے عدالت میں مؤقف پیش کیا ہے کہ بچوں سے زیادتی کے ملزموں کے مکروہ عمل سے معاشرے میں انتشار پھیلا ہے، سزا یافتہ مجرموں کو سرِعام پھانسی نہ ہونے سے ایسے واقعات میں آئے روز اضافہ ہورہا ہے۔
اس خبرکوبھی پڑھیں: قصور میں زیادتی کے بعد قتل کمسن ایمان کا کیس دوبارہ کھولنے کا فیصلہ
درخواست میں استدعا کی گئی ہے کہ بچوں سے زیادتی فساد فی الارض کے زمرے میں آتا ہے لہذٰا نرم قوانین کی وجہ سے زیادتی کے جرم میں ملوث ملزمان کو جرم ثابت ہونے پر سرِعام پھانسی پر لٹکایا جائے تاکہ آئندہ اس طرح کے واقعات کا سدِباب ہوسکے۔
واضح رہے کہ وزیر اعلیٰ پنجاب شہباز شریف نے بھی زینب کے قاتل کی گرفتاری کے اعلان پر ملزم کو سر عام پھانسی دینے کی خواہش کا اظہار کیا تھا۔
The post بچوں سے زیادتی کے مجرموں کو سرعام پھانسی دینے کی درخواست دائر appeared first on ایکسپریس اردو.
from ایکسپریس اردو http://ift.tt/2DLZZs9
0 comments:
Post a Comment