اسلام آباد: الیکشن کمیشن نے قومی و صوبائی اسمبلیوں کے 798 حلقوں کے نتائج جاری کر دیے جن میں قومی اسمبلی کے 251 حلقوں کے نتائج شامل ہیں۔
قومی اسمبلی میں تحریک انصاف 109 نشستیں جیت کر ایوان زیریں کی سب سے بڑی جماعت بن کر سامنے آئی ہے، مسلم لیگ (ن) 62 نشستوں کے ساتھ دوسری جب کہ پیپلز پارٹی 42 کے ساتھ تیسری بڑی جماعت بن کر ابھری ہے، متحدہ مجلس عمل کی قومی اسمبلی میں 11، مسلم لیگ (ق)5، ایم کیو ایم پاکستان 4 ، جی ڈی اے 2 جب کہ عوامی مسلم لیگ، پاکستان تحریک انسانیت، اے این پی اور بی این پی کا ایک ایک امیدوار کامیاب ہوا ہے، دوسری جانب 11 آزاد امیدوار قومی اسمبلی کے رکن منتخب ہوئے ہیں۔
الیکشن کمیشن نے صوبائی اسمبلی سندھ کے 120 حلقوں کے نتائج جاری کیے جس میں پیپلز پارٹی 72 نشستوں کے ساتھ سر فہرست، تحریک انصاف 20، ایک کیو ایم پاکستان 12، جی ڈی اے 11، تحریک لبیک پاکستان2 جب کہ دیگر جماعتوں کی 3 نشتیں ہیں۔
کے پی اسمبلی کے 96 حلقوں کے نتائج کے مطابق تحریک انصاف 66 نشستوں کے ساتھ سر فہرست، ایم ایم اے 10 نشستوں کے ساتھ دوسرے جب کہ اے این پی 6 نشستوں کے ساتھ تیسرے نمبر پر ہے، کے پی اسمبلی میں (ن) لیگ نے 5 ، آزاد امیدوار 5 اور پیپلز پارٹی نے 4 نشستیں حاصل کیں۔
الیکشن کمیشن نے بلوچستان اسمبلی کے 45 حلقوں کے نتائج جاری کیے جس کے مطابق بی اے پی 13 نشستیں حاصل کر چکی ہے، ایم ایم اے 8 جب کہ 5 نشستوں پر آزاد امیدوار کامیاب ہوئے۔ اس کے علاوہ بی این پی 5، تحریک انصاف 4 اور دیگر جماعتوں نے 7 نشتیں حاصل کیں۔
The post الیکشن کمیشن نے قومی و صوبائی اسمبلیوں کے 798 حلقوں کے نتائج جاری کردیے appeared first on ایکسپریس اردو.
from ایکسپریس اردو https://ift.tt/2mLI8ur
via Blogger https://ift.tt/2uW1fGI
July 27, 2018 at 01:12AM
0 comments:
Post a Comment