کراچی: پاکستانی گلوکارواداکارعلی ظفر نے بالی ووڈ سپر اسٹار عامر خان کو چیئرمین تحریک انصاف عمران خان کے وزیر اعظم بننے کے بعد پاکستان آنے کا اپنا وعدہ یاد دلایاہے۔
بالی ووڈ کے سپر اسٹار عامر خان کے پوری دنیا میں کروڑوں مداح موجود ہیں لیکن خود عامر خان سابق پاکستانی کرکٹراور پاکستان کے متوقع وزیر اعظم عمران خان کے بہت بڑے مداح ہیں اور ان کے جذبے اور قوم کے لیے کچھ کرنے کی لگن کو بہت قدر کی نگاہ سے دیکھتے ہیں۔
اس خبرکوبھی پڑھیں: عمران خان پاکستان کوکچھ دے گا لے گا نہیں
آج سے تقریباً 6 برس قبل عمران خان نے بھارت میں ایک تقریب میں مہمان خصوصی کی حیثیت سے شرکت کی تھی، اس تقریب میں بالی ووڈ کے مسٹر پرفیکشنسٹ عامر خان بھی موجود تھے۔ تقریب کے میزبان نے جب عامر خان سے عمران خان کے متعلق اپنی رائے کاا ظہار کرنے کے لیے کہا تو عامر خان نے سب سے پہلے عمران خان کی تعریف کی اور کہا آپ نےتمام سوالوں کا بہت اچھے طریقے سے جواب دیا۔
عامر نے عمران خان کے جنون کی تعریف کرتے ہوئے کہا آپ کا جو خواب ہے اپنے وطن کے حوالے سے میری طرف سے دعائیں ہیں کہ آپ کا یہ خواب ضرور پورا ہو۔ میری دعا ہے کہ پاکستان میں ایسی حکومت آئے جو واقعی پاکستان کے مسائل حل کرسکے اور جو پاکستان میں خوشحالی لائے۔ یہ نہ صرف پاکستان کے لیے اچھا ہوگا بلکہ ہمارے لیے بھی اچھا ہوگا۔
اس خبرکوبھی پڑھیں: عمران خان کے انکار پر شاہ رخ خان کا دل ٹوٹ گیا
عامر خان نے مزید کہا میری دعائیں ہیں آپ کی جو نیت ہے آپ اس میں کامیاب ہوں ، میرا دل کہتا ہے کہ آپ ضرورکامیاب ہوں گے کیونکہ آپ کئی سالوں سے اس مشن کو لے کر چل رہے ہیں ، جب آپ نےیہ مشن شروع کیا تھا اس وقت سے آپ کو بہت سے چیلنجز کا سامنا تھا، ان چیلنجز کے باوجود آپ اب تک اپنے مشن میں اٹل ہیں۔
بعدازاں عمران خان نے عامر خان کو 2013کے الیکشن سے قبل پاکستان آنے کی دعوت دی تھی جس پر عامر خان نے کہا تھاجب آپ الیکشن جیتیں گے تو آپ میں کی جیت کا جشن منانے کے لیے پاکستان آؤں گا اور اکیلا نہیں بلکہ بہت سارے بھارتیوں کوساتھ لے کر آؤں گا۔
عمران خان 2013کا الیکشن تو نہیں 2018 کا الیکشن جیتنے میں ضرور کامیاب ہوگئے ہیں لہٰذا اب سوشل میڈیا پر عامر خان کی یہ ویڈیو گردش کررہی ہے اور لوگ ان سےپوچھ رہے ہیں کہ کیا عامر خان اپنا وعدہ پورا کریں گےاور عمران خان کی جیت کا جشن منانے پاکستان آئیں گے۔
دوسری جانب نامور پاکستانی گلوکار واداکار علی طفر نے بھی ٹوئٹ کرتے ہوئے عامر کان کو ان کا وعدہ یاددلاتے ہوئے کہا ہے کہ یہی وقت ہے، آپ کے پاکستان آنے کا۔
The post کیا عامر خان، عمران خان کی جیت کا جشن منانے پاکستان آئیں گے؟ appeared first on ایکسپریس اردو.
from ایکسپریس اردو https://ift.tt/2LLGpn7
via Blogger https://ift.tt/2K4j4bx
July 29, 2018 at 03:17AM
0 comments:
Post a Comment