اسلام آباد: الیکشن کمیشن نے صدارتی انتخاب کی سمری تیارکرلی ہے جس کے تحت اگست کے آخری یا ستمبر کے پہلے ہفتے میں انتخاب کرایا جاسکتا ہے۔
ایکسپریس نیوزکے مطابق موجودہ صدرمملکت ممنون حسین کی مدت 9 ستمبر2018 کوختم ہورہی ہے۔ آئین کے تحت الیکشن کمیشن نے صدارتی انتخاب کی سمری تیارکرکے چیف الیکشن کمشنرکو بھجوا دی ہے۔
ذرائع کا کہنا ہے کہ صدارتی انتخاب اگست کے آخری یا ستمبرکے پہلے ہفتے میں انتخابات کرایا جاسکتا ہے تاہم اس سلسلے میں حتمی شیڈول کا اعلان قومی اورصوبائی اسمبلیوں کے حلف اٹھانے کے بعد جاری کیاجائے گا۔
واضح رہے کہ آئین کے تحت صدرمملکت کی آئینی مدت پوری ہونے سے 30 دن قبل انتخابات کرانے ہوتے ہیں اورصدرمملکت ممنون حسین کی آئینی مدت 9 ستمبر 2018 کو پوری ہوگی۔
The post الیکشن کمیشن نے صدارتی انتخاب کی سمری تیارکرلی appeared first on ایکسپریس اردو.
from ایکسپریس اردو https://ift.tt/2mWaYIF
0 comments:
Post a Comment