لاہور: ہائی کورٹ میں حلف اٹھائے بغیرعمران خان کو وزیر اعظم کا دیا جانے والا پروٹوکول واپس لینے کے لئے درخواست دائر کر دی گئی ہے۔
ایکسپریس نیوزکے مطابق لاہور ہائی کورٹ میں عمران خان کو وزیراعظم کا پروٹوکول دیئے جانے کے خلاف درخواست دائر کی گئی ہے۔ درخواست لائرز فاؤنڈیشن فار جسٹس نے اے کے ڈوگر کے توسط سے دائر کی گئی ہے جس میں مؤقف پیش کیا گیا ہے کہ عمران خان وزیراعظم بننے سے پہلے ہی سرکاری مراعات اور پروٹوکول کا استعمال کر رہے ہیں یہ سب عوام کے ٹیکس کا پیسہ ہے اور وزیراعظم بننے سے پہلے وی آئی پی پروٹوکول استعمال کرنا غیر قانونی اقدام ہے۔
درخواست میں عدالت سے استدعا کی گئی ہے کہ عدالت وفاقی حکومت کو عمران خان سے وی آئی پی پروٹوکول واپس لینے کے احکامات جاری کرے، درخواست میں وفاقی حکومت، الیکشن کمشن آف پاکستان اور پنجاب حکومت کو فریق بنایا گیاہے۔
The post عمران خان کوحلف اٹھائے بغیر وزیراعظم کا پروٹوکول دینے کے خلاف درخواست دائر appeared first on ایکسپریس اردو.
from ایکسپریس اردو https://ift.tt/2mWf8QP
via Blogger https://ift.tt/2AxCmGS
July 31, 2018 at 01:22AM
0 comments:
Post a Comment