سکھر: منی لانڈرنگ کیس میں نامزد ملزم اومنی گروپ کے مالک انور مجید کی کھوسکی شوگر مل پر ایف آئی اے اور رینجرز کی بھاری نفری نے چھاپہ مارا۔
سابق صدر آصف علی زرداری کے قریبی ساتھی اور اومنی گروپ کے مالک انورمجید کی کھوسکی شوگرمل پر ایف آئی اے اور رینجرز نے چھاپہ مارا ہے۔ پولیس ذرائع کے مطابق کھوسکی ٹاؤن میں واقع شوگر مِل پر ایف آئی اے کی 2 اور رینجرز کی 7 گاڑیاں پہنچیں۔ چھاپے سے قبل مِل کے تمام داخلی و خارجی راستے بند کردیئے گئے۔
چھاپا مار ٹیم کے ہمراہ سندھ بینک کا عملہ بھی موجود تھا۔ سیکورٹی اہلکاروں نے شوگر مل کے ریکارڈ روم کی تلاشی لی اور دستاویزات کی چھان بین کی۔ اس موقع پر ریکارڈ روم کے گرد اہلکار تعینات رہے اور کسی کو قریب جانے کی اجازت نہیں دی گئی۔ چھاپے میں مل کے آئی ٹی انچارج عبدالرشید آرائیں، اکاؤنٹنٹ افتخار احمد، ایڈمن افسر سوڈل رند اور انجینیئرجاوید گرفتار کرلئے گئے۔
The post اومنی گروپ کے مالک انور مجید کی شوگر مل پر رینجرز اور ایف آئی اے کا چھاپا appeared first on ایکسپریس اردو.
from ایکسپریس اردو https://ift.tt/2wh3o0k
0 comments:
Post a Comment