ممبئی: بالی ووڈ کی مشہور جوڑی دپیکا پڈوکون اوررنویرسنگھ 20 نومبر کو شادی کے بندھن میں بندھ جائیں گے۔
بھارتی میڈیا کے مطابق اداکار رنویر سنگھ اور دپیکا پڈوکون 20 نومبر کو اٹلی کے خوبصورت مقام ’لیک کومو‘ میں شادی کے بندھن میں بندھ جائیں گے۔ میڈیا رپورٹس میں یہ بھی کہا جارہا ہے کہ شادی کی تقریب میں دونوں کے خاندان اور قریبی دوستوں سمیت صرف 30 مہمانوں کو مدعو کیا جائے گا جب کہ شادی کی تقریب بھی زیادہ بڑے پیمانے پر منعقد نہیں کی جائے گی۔
میڈیا ذرائع کے مطابق اٹلی دپیکا اوررنویر دونوں کی پسندیدہ جگہوں میں سے ایک ہے، یہی وجہ ہے کہ دونوں اپنی زندگی کا سب سے یادگار دن یعنی اپنی شادی یہیں کرنا چاہتے ہیں، تاہم دونوں کی شادی کےاستقبالیے کی تقریب بھارت میں نہایت شاندار طریقے سے منعقد کی جائے گی۔
رنویراور دپیکا کی شادی کی خبر سن کربھارتی اداکار کبیر بیدی نے دونوں کو شادی کی مبارکباد دیتے ہوئے ٹوئٹ کیا’’ اٹلی جیسے خوبصورت مقام پر یہ شاندار جشن ہوگا۔ اس کے ساتھ ہی انہوں نے دونوں کو زندگی بھر خوش رہنے کی دعادی۔‘‘
Great couple! Great locale in Italy! Great event!
Wishing @RanveerOfficial and @deepikapadukone a wonderful wedding, and a lifetime of happiness.https://t.co/pPY6gBol8Z
— KABIR BEDI (@iKabirBedi) August 13, 2018
واضح رہے کہ رنویر سنگھ اور دپیکا پڈوکون گزشتہ کافی عرصے سے ایک دوسرے کے ساتھ ہیں تاہم دونوں نے کبھی اپنے تعلق کی نہ تو تصدیق کی اور نہ ہی تردید کی ہے۔
The post دپیکا پڈوکون اوررنویر سنگھ کی شادی کی تاریخ منظرعام پر آگئی appeared first on ایکسپریس اردو.
from ایکسپریس اردو https://ift.tt/2MqIW6G
0 comments:
Post a Comment