چنئی: نامور بالی ووڈ اداکار ہرتھیک روشن سمیت 8 لوگوں کے خلاف دھوکا دہی کے الزام میں ایف آئی آر درج کرلی گئی ہے۔
بھارتی میڈیا کے مطابق اداکار ہرتھیک روشن سمیت 8 افراد پر بھارتی سیلز مین مرلی دھرن نے دھوکا دہی کے الزام میں ایف آئی آر درج کروائی ہے۔ مرلی دھرن نے موقف اختیار کرتے ہوئے کہا ہے کہ وہ کپڑوں کے ایک نامور برانڈ مرچنڈائز میں بطور تھرڈ پارٹی سیلز مین کام کررہا تھا اس برانڈ کو بھارت میں 2014 میں ہرتھیک روشن نے متعارف کرایا تھا۔
مرلی دھرن نامی شہری نے کمپنی پر الزام لگاتے ہوئے کہا کہ اس نے بینک سے قرض لے کر کمپنی سےمال اٹھایا ہواتھا جس کی وجہ سے اس پر 21 لاکھ کا قرض چڑھ گیا تھا تاہم جب کپڑوں کی فروخت بند ہوگئی تو اس نے کمپنی کو سارا مال واپس بھجوایا لیکن کمپنی کی جانب سے اسے رقم نہیں بھجوائی گئی۔
لہٰذا اس نے ہرتھیک روشن سمیت کمپنی کے دیگر 8 افراد پر دھوکا دہی کے الزام میں دسمبر 2014 میں شکایت درج کرائی تھی تاہم پولیس نے شکایت کنندہ کی جانب سے عدالت سے رجوع کرنے پر گزشتہ ماہ جون میں آئی پی سی کے سیکشن 420 کے تحت کیس رجسٹرڈ کیا ہے۔
اداکار ہرتھیک روشن کو قانونی نوٹس بھی جاری کیاگیا ہے جس پر ہرتھیک روشن کی جانب سے ردعمل دیتے ہوئے کہا گیا ہے کہ وہ اس کمپنی کے صرف برانڈ ایمبسیڈر ہیں اور کسی بھی نقصان کے ذمہ دار نہیں ہیں۔
The post ہرتھیک روشن کے خلاف دھوکا دہی کا مقدمہ درج appeared first on ایکسپریس اردو.
from ایکسپریس اردو https://ift.tt/2NqoD6B
0 comments:
Post a Comment