نئی دہلی: بھارت میں وزیراعظم نریندر مودی کو سابق وزیراعظم راجیو گاندھی کی طرز پر قتل کرنے کی سازش پکڑی گئی ہے۔
بھارتی میڈیا کے مطابق بائیں بازو کی انتہا پسند جماعت نے وزیراعظم نریندرا مودی کو راجیو گاندھی کی طرح قتل کرنے کی منصوبہ بندی کی ہے۔ اس بات کا انکشاف بھارتی پولیس کی جانب سے بھارت کی ریاستوں مہاراشٹرا، تلنگانا، دہلی، جھارکھنڈ اور گوا میں مختلف گھروں پر مارے گئے چھاپوں کے دوران ملنے والی دستاویز سے ہوا۔
تلگا پریشد میں مودی سرکار کو تنقید کا نشانہ بنانے پر بھارتی پولیس نے ماؤزے تنگ کے فلسفے کے پرچارکوں کے گھروں پر چھاپے مارے جن میں نامور انقلابی مصنف وراورا راؤ اور ان کی صاحبزادی بھی شامل ہیں۔ علاوہ ازیں نامور بزنس اخبار، تیلگو زبان کے صحافی اور ایک غیر ملکی پروفیسر کے گھروں پر بھی چھاپے مارے گئے تھے۔
پولیس نے دعویٰ کیا ہے کہ ان چھاپوں کے دوران ایسے شواہد، ای میلز، دستاویز اور لٹریچر ملا ہے جس سے بائیں بازو کی انتہا پسند جماعت کی جانب سے راجیو گاندھی کی طرح وزیراعظم نریند مودی کو قتل کرنے کی منصوبہ بندی کی نشاندہی ہوتی ہے تاہم پولیس نے اس الزام میں کسی کی گرفتاری ظاہر نہیں کی ہے۔
واضح رہے کہ 1818 میں بھیم کوریگاؤں کے دلتوں کی پیشوا فوج سے جنگ میں جیت کے 2 سو سال پورے ہونے پر منقعدہ تقریب ’ایلگا پریشد‘ میں دلت رہنماؤں اور کمیونسٹ مفکروں نے مودی سرکار کو شدید تنقید کا نشانہ بنایا تھا جس کے بعد کمیونسٹ رہنماؤں کے گھروں پر چھاپے مارے گئے تھے۔
The post بھارت میں مودی کو قتل کرنے کی سازش پکڑی گئی appeared first on ایکسپریس اردو.
from ایکسپریس اردو https://ift.tt/2NtkOO9
0 comments:
Post a Comment