کراچی: شہر قائد کے مختلف علاقوں میں رات گئے سے بجلی کی فراہمی معطل ہے جس کے باعث شہریوں کو شدید پریشانی کا سامنا ہے۔
ایکسپریس نیوز کے مطابق رات گئے شہر قائد میں بجلی کے بریک ڈاؤن کے باعث کھارادر، برنس روڈ، بولٹن مارکیٹ، کوئز روڈ اور جوڑیا بازار سمیت ناظم آباد، گلبہار اور لیاقت آباد میں کئی گھنٹے سے بجلی معطل ہے، بجلی کی بندش کے باعث شہریوں کو شدید مشکلات کا سامنا ہے۔
ترجمان کے الیکٹرک کا کہنا ہے کہ ہوا میں نمی کے اضافے کے باعث ای ایچ ٹی ٹرپنگ آئی، متبادل سرکٹ سے شہر میں بجلی فراہم کی جارہی ہے، واٹر بورڈ کے دھابیجی سمیت بڑے پمپنگ اسٹیشنز، ایئرپورٹ، سول اسپتال، جناح اسپتال اور لیاری جنرل اسپتال میں بجلی کی فراہمی جاری ہے تاہم باقی متاثرہ مقامات پر تعطل کو جلد بحال کرلیا جائے گا۔
The post کراچی میں بریک ڈاؤن؛ بیشتر علاقوں میں کئی گھنٹوں سے بجلی معطل appeared first on ایکسپریس اردو.
from ایکسپریس اردو https://ift.tt/2IBko6J
0 comments:
Post a Comment