راولپنڈی: رات بھر جوائنٹ ریسکیو آپریشن کے بعد پتریاٹہ چیئر لفٹ کیبل کار میں پھنسے 100 کے قریب سیاحوں کو بحفاظت نکا ل لیاگیا۔
تحقیقات کے احکام جاری کردیے گئے ، تحقیقات مکمل ہونے تک چیئر لفٹ آپریشنل نہیں کی جائے گی، ریسکیو آپریشن میں پاک فوج، ریسکیو 1122، راولپنڈی پولیس ، سول ڈیفنس کے اہلکاروں ، چیئر لفٹ کے اسٹاف اور مقامی افراد نے حصہ لیا۔ ڈپٹی کمشنر راولپنڈی محمد علی رندھاوا و سی پی او فیصل رانا واقعے کی اطلاع ملتے ہی پتریاٹہ پہنچے۔انھوں نے میڈیا سے گفتگو کرتے ہوئے کہا اﷲ تعالی کا شکر ہے کہ پتریاٹہ چیئر لفٹ واقعے میں کوئی جانی نقصان نہیں ہوا ۔ ریسکیو آپریشن میں حصہ لینے والوں نے اندھیرے ، طوفان بادو باراں و دھند کے باوجود کھمبوں پر چڑھ کر فضا میں معلق کیبنز کو دوبارہ بحال کرنے کا مشکل ہدف مکمل کیا ۔
تحقیقات کے بعد اطیمنان بخش احتیاطی اقدامات کی یقین دہانی کے بغیر چیئر لفٹ کو آپریشنل نہیں کیا جائے گا ۔ چیئر لفٹ ریسکیو آپریشن کی تکمیل کے بعد جب مرد و خواتین اور بچوں کو بحفاظت ریسکیو کرلیا گیا تو وہ سجدہ شکر بجالائے اور بلا تاخیر امدادی کارروائیوں پر تمام متعلقہ اداروں کا شکریہ ادا کیا۔ ادھرکمشنر راولپنڈی ثاقب ظفر نے شاندار انداز میں خدمات سرانجام دینے پر تمام اداروں کی کارکردگی کو سراہا۔
The post پتریاٹہ کیبل کارمیں پھنسے 100 سیاحوں کو بحفاظت نکال لیا گیا appeared first on ایکسپریس اردو.
from ایکسپریس اردو https://ift.tt/300Maku
0 comments:
Post a Comment