رومانیہ: دنیا بھر میں لوگ خود کو ہجوم سے یا لوگوں کو خود سےدور رکھنے کےلیےطرح طرح کے دلچسپ طریقے آزمارہے ہیں اور اس ضمن میں ایک سماجی فاصلے کو برقرار رکھنے والے جوتے تیار کئے گئے ہیں۔ اس جوتے کا اگلا حصہ اتنا لمبا ہے کہ وہ سامنے والے کو پرے ہٹانے کےلیے کافی ہے۔
یہ ایجاد رومانیہ کے جوتا ساز ماہر گریگور لیوپ نے کورونا وائرس لاک ڈاؤن کے دوران کی ہے۔ جوتے کا اگلا حصہ غیرمعمولی طور پر بہت لمبا ہے جسے یورپی سائز کا 75 نمبر دیا گیا ہے۔ خالص چمڑے سے بنے اس جوتے کی قیمت 115 ڈالر یعنی پاکستانی 18 ہزار روپے کے لگ بھگ ہے۔
لیوپ نے بتایا کہ لوگ سماجی فاصلے کا بالکل بھی خیال نہیں کررہے ہیں اور ایک مرتبہ وہ اپنے باغ کے بیج خریدنے گئے تو لوگ ان سے قریب سے قریب تر ہوتے گئے جس پر انہیں بہت طیش آیا اور اس کے بعد انہوں نے اپنے 39 سالہ فنی سفر میں عجیب وغریب جوتا بنانے کا خیال آیا۔
گریگور لیوپ کے مطابق اگر ملنے والے دو افراد انکے جوتے پہن کر آمنے سامنے آجائیں تو دونوں کے درمیان ڈیڑھ میٹر کا فاصلہ برقرار رہ سکتا ہے۔ رومانیہ میں 15 مئی سے لاک ڈاؤن میں نرمی کی جارہی ہے اور کورناوائرس کے 18790 کیسز سامنے آچکے ہیں۔ ان میں اب تک 1240 اموات ہوچکی ہیں۔
لیکن انہوں نے یہ نہیں بتایا کہ اب تک کتنے لوگوں نے یہ جوتے خریدے ہیں یا ان میں دلچسپی کا اظہار کیا ہے لیکن ان کی ظاہری صورت دیکھ کر یہ محسوس ہوتا ہے ہ انہیں پہننے کے بعد چلنا بہت دشوار ہوگا اور سیڑھیاں چڑھنا تقریباً محال ہوجائے گا۔
The post کورونا وبا میں فاصلہ برقرار رکھنے والا 75 نمبر کا جوتا تیار appeared first on ایکسپریس اردو.
from ایکسپریس اردو https://ift.tt/3eFcR5i
0 comments:
Post a Comment