لندن: برطانیہ میں پانی کے حوالے سے تحقیق کرنے والی سب سے بڑے ادارے نے کہا ہے کہ برطانیہ میں پانی کی بچت کرنے والے دوہرے فلش سسٹم سے کسی بچت کی بجائے سالانہ اربوں لیٹر پانی ضائع ہورہا ہے۔
واضح رہے کہ برطانیہ میں پانی کے معاملات پر حساس ماہرین ایک عرصے سے دوہرے فلش (ڈویل فلش) سسٹم پر تنقید کررہے ہیں۔ اس کی وجہ بتاتے ہوئے انہوں نے کہا ہےکہ تھوڑے دنوں بعد اس سے پانی لیک ہونا شروع ہوجاتا ہے۔ اس طرح دن اور رات مسلسل صاف پانی ضائع ہوتا رہتا ہے۔ واضح رہے کہ اس فلش میں دو بٹن لگے ہوتے ہیں۔
واٹروائز نامی تنظیم کے مطابق پورے ملک میں یہ فلش سسٹم روزانہ 40 کروڑ لیٹر پانی کا اسراف کررہے ہیں۔ پانی کی یہ مقدار 28 لاکھ افراد کی ضرورت پوری کرسکتی ہے۔ تنظیم کے مطابق رساؤ والا ایک فلش 24 گھنٹے میں 200 سے 400 لیٹر پانی ضائع کرتا ہے۔ اس طرح کمپنی کی جانب سے تیار کردہ ڈبل فلش ٹوائلٹ سسٹم کی 5 سے 8 فیصد تعداد سے پانی لیک ہورہا ہے۔
دوسری جانب کئی ماہرین نے اعتراف کیا ہے کہ اس واٹرفلش کی ڈیزائننگ میں بڑی خامیاں موجود ہیں۔ جیسے ہی معمولی کچر اس میں جاتا ہے اس کا اندرونی والو خراب ہوجاتا ہے اور پانی رِس کر ضائع ہونے لگتا ہے۔ یہاں تک کہ یہ فلش ایک ہفتے میں ہی لیک ہونے لگتا ہے۔
واضح رہے کہ کئی برس قبل ڈبل بٹن والے فلش سامنے آئے تھے جو پانی کی مختلف مقدار کو خارج کرتے ہیں۔ عام بہاؤ کی صورت میں چار سے چھ لیٹر پانی ضائع ہوتا ہے جب کہ صرف پیشاب کرنے کی صورت میں پانی کی بہت کم مقدار درکار ہوتی ہے۔ اسی خیال کو دیکھتے ہوئے یہ فلش سسٹم بنائے گئے تھے۔
The post پانی بچانے والا فلش سسٹم ہی سب سے زیادہ پانی ضائع کرنے والا نکلا! appeared first on ایکسپریس اردو.
from ایکسپریس اردو https://ift.tt/2GoZqLe
0 comments:
Post a Comment