کراچی: اداکارہ مایا علی کی ایک ویڈیو وائرل ہورہی ہے جس میں وہ اپنی ہی اداکاری دیکھ کر رو رہی ہیں۔
مایا علی کا شمار پاکستان شوبز کی صف اول کی اداکاراؤں میں ہوتا ہے انہوں نے کئی ہٹ ڈراموں کے ساتھ دو سپر ہٹ فلموں ’’طیفا ان ٹربل‘‘ اور ’’پرے ہٹ لو‘‘میں بھی کام کیا ہے۔ وقت کے ساتھ نہ صرف مایا علی کی اداکاری میں بہتری آئی ہے بلکہ انہوں نے خود کو فٹ اور خوبصورت رکھنے کے لیے بھی بہت محنت کی ہے اور وزن میں کمی کی ہے۔
مایا علی کافی عرصے سے چھوٹی اسکرین سے دور تھیں جب کہ فلم ’’پرے ہٹ لو‘‘ کے بعد وہ کسی اور فلم میں بھی نظر نہیں آئیں۔ تاہم اب وہ ڈراما سیریل ’’پہلی سی محبت‘‘ کے ذریعے ٹی وی پر دوبارہ واپسی کررہی ہیں۔
اسی ڈرامے کا ایک سین موبائل فون پر دیکھتے ہوئے مایا علی اتنی زیادہ جذباتی ہوگئیں کہ ان کی آنکھیں بھر آئیں۔ موبائل کی اسکرین پر واضح طور پر دیکھاجاسکتا ہے کہ اس سین میں مایا علی اداکار شہریار منور کے ساتھ اداکاری کرتی ہوئی نظر آرہی ہیں۔
واضح رہے کہ ڈراما سیریل ’’پہلی سی محبت‘‘ میں شہریار منور مایا علی کے مقابل مرکزی کردار ادا کررہے ہیں اور انہوں نے بھی اس ڈرامے کے ذریعے چھوٹی اسکرین پر کافی عرصے بعد واپسی کی ہے۔
The post مایا علی اپنی ہی اداکاری دیکھ کر رو پڑیں appeared first on ایکسپریس اردو.
from ایکسپریس اردو https://ift.tt/3qdJ3U1
0 comments:
Post a Comment