اسلام آباد: قومی اسمبلی میں رحیم یارخان میں مندر پر حملے کے خلاف قرارداد متفقہ طور پر منظور کرلی گئی۔
قومی اسمبلی کا اجلاس ڈپٹی اسپیکر قاسم سوری کی صدارت میں منعقد ہوا جس میں وزیر مملکت علی محمد خان نے مندر پر ہونے والے حملے کے خلاف قرارداد پیش کی جس کو متفقہ طور پر منظور کرلیا گیا۔
اجلاس میں ہندو اراکین اسمبلی کی جانب سے رحیم یارخان میں مندر پر حملے کا معاملہ اٹھاتے ہوئے کہا گیا کہ گنیش مندر کو نذر آتش کیا گیا جو ہندو برادری کے ساتھ بہت بڑی زیادتی ہے، پاکستان کا آئین اقلیتوں کو مکمل آزادی اور برابری کے حقوق دیتا ہے تاہم اس واقعہ اس کی مذمت کرتے ہیں، معاملہ کی انکوائری کروائی جائے جب کہ ابھی تک کوئی گرفتاری بھی عمل میں نہیں آئی ہے۔
اجلاس کے دوران مولانا اکبر چترالی، مولانا جمال الدین، سید نوید، مہناز اکبر، مرتضی جاوید عباسی، محسن داوڑ نے واقعہ کی بھرپور مذمت کی جب کہ شیریں مزاری نے کہا کہ ایف آئی آر کٹ گئی ہے اور وزیراعظم نے نوٹس بھی لیا ہے، حکومت ایکشن لے رہی ہے لہذا اس حوالے سے سیاست نہ کی جائے۔
The post قومی اسمبلی میں مندر پر حملے کے خلاف قرارداد متفقہ طور پر منظور appeared first on ایکسپریس اردو.
from ایکسپریس اردو https://ift.tt/3ywRXzG
via Blogger https://ift.tt/3fDo0qq
August 06, 2021 at 04:55AM
0 comments:
Post a Comment