اسلام آباد: نیپرا نے بجلی کے نرخوں میں 50 پیسے فی یونٹ اضافے کی منظوری دے دی۔
ایکسپریس نیوزکے مطابق نیشنل الیکٹرک پاورریگولیٹری اتھارٹی نے سینٹرل پاورپرچیز ایجنسی کی جانب سے ماہانہ بنیادوں پرفیول ایڈجسٹمنٹ کی مد میں بجلی کی قیمتوں میں ردو بدل کی درخواست کی سماعت کی۔
سی سی پی اے نے اپنی درخواست میں کہا تھا کہ جون میں پانی سے 28 فیصد، کوئلے سے 12 فیصد بجلی پیدا کی گئی، گیس سے 41 فیصد اورفرنس آئل سے 9 فیصد بجلی پیدا کی گئی۔ ماہانہ فیول ایڈجسٹمنٹ کی مد میں 70 پیسے فی یونٹ اضافہ کیا جائے۔
نیپرا نے سی سی پی اے کی درخواست منظورکرتے ہوئے بجلی کے نرخوں میں 50 پیسے فی یونٹ اضافے کی منظوری دے دی، قیمتوں میں اضافہ ماہانہ فیول ایڈجسٹمنٹ کی مد میں کیا گیا، اضافے سے صارفین پرساڑھے 6 ارب کا اضافی بوجھ پڑے گا تاہم کے الیکٹرک، لائف لائن، زرعی صارفین پراضافے کا اطلاق نہیں ہوگا۔
The post الیکشن سے قبل عوام کو مہنگائی کا جھٹکا، بجلی مہنگی کردی گئی appeared first on ایکسپریس اردو.
from ایکسپریس اردو https://ift.tt/2mBBA1E
0 comments:
Post a Comment