اسلام آباد: سپریم کورٹ نے شیخو پورہ میں دس سالہ بچے زوہیب پر تشدد سے متعلق از خود نوٹس نمٹادیا۔
ایکسپریس نیوزکے مطابق سپریم کورٹ میں شیخوپورہ کے دس سالہ زوہیب تشدد کیس کی سماعت ہوئی، سماعت کے دوران چیف جسٹس نے استفسارکیا کہ یہ واقعہ کیا ہے جس پروکیل پنجاب نے کہا کہ 10 سالہ بچے پرپیسے چرانے کا الزام لگایا گیا اورتشدد کیا گیا، ملزم کے خلاف چالان داخل کرا دیا ہے۔
یہ بھی پڑھیں: چیف جسٹس کا شیخوپورہ میں 10 سالہ بچے پر تشدد کا نوٹس
چیف جسٹس نے استفسارکیا کہ کیا بچے کا میڈیکل کرایا گیا اورملزم گرفتار ہوا ہے یا اس نے ضمانت کروالی ہے، جس پر وکیل پنجاب نے کہا کہ بچے کا میڈیکل بھی کرایا گیا ہے، تشدد میں ملوث امام گرفتارہوچکے۔
چیف جسٹس نے کہا کہ لوگ مطالبہ کررہے ہیں جیسے بچے پرتشدد ہوا ویسے ملزمان پرتشدد ہونا چاہئے۔ چیف جسٹس نے زوہیب تشدد کیس نمٹاتے ہوئے حکم دیا کہ ٹرائل عدالت 15 روز میں تشدد کیس کا فیصلہ کرے۔
واضح رہے کہ شیخوپورہ میں امام مسجد نے روپے چوری کرنے کے الزام میں 10 سالہ بچے کو تشدد کا نشانہ بنایا تھا۔
The post سپریم کورٹ نے 10 سالہ بچے پر تشدد کا کیس نمٹا دیا appeared first on ایکسپریس اردو.
from ایکسپریس اردو https://ift.tt/2Mqd7HR
About Unknown
0 comments:
Post a Comment