جوہر ٹاؤن دھماکے میں استعمال ہونے والی گاڑی کا مالک گرفتار

لاہور: جوہر ٹاؤن دھماکے میں استعمال گاڑی 6 مرتبہ فروخت ہوئی تھی، اور اس کا آخری خریدار گرفتار کرلیا گیا ہے۔

ایکسپریس نیوز کے مطابق لاہور کے علاقے جوہر ٹاؤن میں ہونے والے دھماکے کی تحقیقات میں اہم پیشرفت سامنے آگئی ہے، کیوں کہ دھماکے میں استعمال ہونے والی گاڑی کا مالک پیٹر پال ڈیوڈ گرفتار کرلیا گیا ہے۔

تفتیشی ذرائع کے مطابق گرفتار ملزم ڈیوڈ گوجرانوالہ کا رہائشی ہے، اور اسے گزشتہ رات کراچی جاتے ہوئے فلائٹ سے آف لوڈ کر کے حراست میں لیا گیا ہے،  دھماکے میں استعمال گاڑی 6 مرتبہ فروخت ہوئی تھی،  آخری دفعہ یہ گاڑی ڈیوڈ پال نے گوجرانوالہ میں خریدی تھی۔

اس خبرکوبھی پڑھیں: جوہر ٹاؤن دھماکے سے قبل مشکوک گاڑی کی پولیس چیکنگ کا انکشاف

تفتیشی ذرائع کا کہنا ہے کہ ڈیوڈ پال نے ابتدائی تفتیش میں اہم انکشافات کئے ہیں اور بتایا ہے کہ کسی کے کہنے پر گاڑی مبینہ دہشت گرد کو دی تھی، تاہم ڈیوڈ نے دہشت گرد کی شناخت سے لاعملی کا اظہار کیا ہے، تفتیشی اداروں کو ڈیوٖڈ سے کار لے جانے والے دہشت گرد کی تلاش ہے، جوہر ٹاؤن دھماکے کے تانے بانے کالعدم تنظیم سے مل رہے ہیں۔

اس خبرکوبھی پڑھیں: لاہور کے علاقے جوہر ٹاؤن میں دھماکے سے 4 افراد جاں بحق

ذرائع کے مطابق دھماکے میں ممکنہ طور پر استعمال ہونے والی گاڑی بابو صابو سے شہر میں داخل ہوئی، گاڑی بدھ کی صبح نو بج کر چالیس منٹ کے قریب داخل ہوئی اور بابو صابو ناکے پر گاڑی کی باقاعدہ چیکنگ بھی ہوئی، جب کہ یہ گاڑی اس سے قبل بھی شہر میں دو مرتبہ دیکھی گئی ہے۔

تفتیشی ذرائع کا کہنا ہے کہ دھماکے میں استعمال ہونے والی کارکو نیلی شلوار قمیض والے ڈرائیور نے جوہر ٹاؤن میں چھوڑا اور گاڑی چھوڑ کر پیدل فرارہوگیا، مبینہ دہشت گرد نیلی شلوار قمیض میں ملبوس اور ماسک لگائے ہوئے تھا اور مولانا شوکت علی روڈ تک پیدل آیا۔

اس خبرکوبھی پڑھیں: پولیس ملزمان کی گرفتاری کے قریب ہے

واضح رہے کہ گزشتہ روز لاہور کے علاقے جوہر ٹاؤن میں ہونے والے دھماکے میں 4 افراد جاں بحق اور متعدد زخمی ہوگئے تھے، جب کہ دھماکے سے 3 گاڑیاں اور 3 موٹر سائیکلیں مکمل طور پر اور ایک رکشہ جزوی تباہ ہوگیا۔ رات گئے تک پولیس نے دھماکے میں نے استعمال ہونے والی گاڑی کا سراغ لگایا اور بتایا کہ دھماکے میں استعمال ہونے والی گاڑی نمبر ایل ای بی 9928  گیارہ سال قبل 29 نومبر 2010 کو صبح  پونے 10 بجے گوجرانوالہ سے چھینی گئی تھی، جس کا مقدمہ تھانہ کینٹ گوجرانوالہ میں درج ہے۔

 

The post جوہر ٹاؤن دھماکے میں استعمال ہونے والی گاڑی کا مالک گرفتار appeared first on ایکسپریس اردو.

from ایکسپریس اردو https://ift.tt/3ql5Fmd

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.