امریکا میں بارشوں اور سیلاب نے تباہی مچادی، 10 افراد ہلاک
واشنگٹن: امریکا میں مسلسل ہونے والی بارشوں کے بعد آنے والے سیلاب میں 10 افراد ہلاک اور متعدد زخمی ہوگئے جب کہ 30 افراد لاپتہ ہیں۔
عالمی خبر رساں ادارے کے مطابق امریکی ریاست ٹینیسی میں شدید بارشوں کا سلسلہ جاری ہے، ایک دن میں 423 ملی میٹر بارش ریکارڈ کی گئی ہے۔ مسلسل بارشوں سے نشیبی علاقوں میں سیلابی کیفیت پیدا ہوگئی۔
بارشوں اور سیلاب کے نتیجے میں 10 افراد ہلاک اور 10 سے زائد زخمی ہوگئے۔ مقامی پولیس اہلکار نے دعویٰ کیا ہے کہ 30 افراد بدستور لاپتا ہیں جن کے بارے میں خدشہ ظاہر کیا جا رہا ہے کہ وہ سیلابی ریلے میں بہہ گئے ہیں۔
شدید بارشوں کی وجہ سے متاثرہ علاقوں میں مواصلاتی نظام کو نقصان پہنچا اور ہزاروں افراد بجلی سے محروم ہوگئے جب کہ ذرائع آمد و رفت بھی معطل ہیں۔ محکمہ موسمیات نے آئندہ دو روز تک بارشوں کا سلسلہ جاری رہنے کی پیشن گوئی کی ہے۔
The post امریکا میں بارشوں اور سیلاب نے تباہی مچادی، 10 افراد ہلاک appeared first on ایکسپریس اردو.
from ایکسپریس اردو https://ift.tt/2W7cCg5
via Blogger https://ift.tt/3j5PQO0
August 22, 2021 at 04:55AM
via Blogger https://ift.tt/2W7M2U3
August 22, 2021 at 05:05AM
0 comments:
Post a Comment